هذا التدوينة والفيديو مهم جدا للاشخاص اللي ناويين يشتروا ايفون. من خلاله راح نشوف كيف نعرف الايفون المعاد تصنيعة مقارنة بالايفون الجديد. بالاضافة راح نشوف كيف نفرق بين الايفون الاصلي والايفون المقلد.
وبعدها راح نشوف كيف نعرف صحة البطارية قبل لا تشتريه. وفالنهاية راح اعطي نصايح مهمه قبل الشراء وافضل وقت لشراء الايفون بسعر مناسب.
اول نقطة لما تشتري أيفون لازم تشوف خلف الكارتون او من الاعدادات في خيار Model number (رقم النموذج) راح تشوف اول شي حروف اذا كانت اول حرف M يعني جديد من الكرتون وبدون أي كلام ولكن اذا كانت F يعني معاد تصنيعه أي مستعمل وقامة الشركة بأخذها وجعلها مثل الجديد وبيعها لك وقيمه هذا النوع من الايفون يكون أرخص تقريبا 30% من سعرها الأصلي لانه الجهاز مستعمل وضمان 100 يوم وموقع امازون وبعد المواقع الاخرى تبيعها واذا كنت ناوين تأخذون ايفون جديد تأكدوا بوجود حرف M في خلف الكرتون Model number (رقم النموذج) اما لو كان N يعني الجهاز مبدل مطلوب فيه خدمة او كان خربان وتم اصلاحه وفي هذا الحاله تجد حرف N اما اذا كان حرف P يعني شخصي أي خاصه يعني خلف الهاتف محفور اسم الشخصي.
صورة لكرتون ايفون جديد بدون اعادة تصنيعه او تبديل القطع تجد اول حرف M
صورة لكرتون ايفون معاد تصنيعه F أي مستعمل وقامة الشركة بأخذها وجعلها مثل الجديد وبيعها لك
يمكن الدخول ومعرفة رقم النموزج Model number من الاعدادات كما بالصورة
ثاني نقطة اذا عندك ايفون تحس ان البطارية ضعيفة او تريد تشتري ايفون مستعمل وتريد تتأكد من جودة البطارية تقدر تروح الاعدادات ثم البطارية ثم حالة البطارية وراح تشوف النسبة اذا كانت النسبة اقل من 70% راح يحتاج تبديل وانصح عدم شرائه لان البطارية ضعيفة وراح تقل بشكل كبير.
ثالث نقطة اذا تبي تتأكد ان الايفون اصلي او لا بديهيا ما راح تقدر تشوف من كرتون لانه متشابه ولكن يجب اخراجه من الكارتون وفتح الجهاز والدخول على متجر اب ستور اذا تم دخول الى ابستور فهذا ايفون اصلي اما اذا دخل الى متجر اخر مثل جوجل بلاي فهذا مو أصلي وبس
تطبيق لفحص شامل للايفون واكتشاف أي عطل فيها شاهد الفيديو في هذا التدوينة : before